Ang 51 ka mga barangay nga gin-identify bilang election areas of concern ukon EACs sa Negros Occidental ang yara sa dose ka mga banwa kag tatlo ka mga siudad suno sa kay Ian Lee Ananoria, ang provincial election supervisor sa Negros Occidental.
Ang banwa sang Calatrava ang may pinaka madamo nga EACs nga may siyam, gina sundan sang Kabankalan, Sipalay, Isabela, kag Cauayan nga may tig lima.
Ang Escalante kag Toboso ang may apat, ang Moises Padilla may tatlo, samtang ang Candoni, Don Salvador Benedicto, Binalbagan kag Himamaylan ang may tig duha kag isa sa La Castellana, Ilog kag San Enrique.
Tatlo ka mga barangay ang gin identify bilang yellow ukon areas of concern, 45 ang orange ukon areas of immediate concern kag tatlo ang read areas ukon areas of grave concern.
Antes sang pinili-ay sa October 30, gin pang hingadlan na ini sang Comelec para makapatuman sang nagakaigo nga seguridad sa sini nga mga lugar.