
Kun sa Bacolod may napapanaugan na sang show cause order angut sa reklamo nga pre-mature campaigining, sa Provincial Comelec naman, may duha na sila ka mga reklamo nga nabaton angut man sa pre-mature campaigning.
Ini ang gin kumpirma ni Atty Ian Lee Ananoria, ang provincial electiom supervisor sa Negros Occidental.
Via email ang nabaton nga reklamo sang Comelec.
Ang ini nga reklamo ang subject for validation pa. Una na nga ginsiling ni Bacolod City Election Officer Atty. Kathrina Trinio-Caña nga sa Bacolod, may gin-serbehan sang show cause order ang Bacolod City Election Field Office nga isa ka aspirant sa Barangay and SK Elections bangud sang pre-mature campaining.
Ang show cause order ang halin mismo sa Task Force Against Pre-mature Campaigning sang Commission on Elections – Comelec Central Office may kaangtanan sa mga nakatapik nga mga posters sang isa ka aspirant nga wala lang anay gin hingadlan kay nagapadayon pa ang imbestigasyon.
Ang campaign period para sa Barangay kag SK Elections ang opisyal nga maga sugod sa Oktubre 19 tubtob 28.