Nakilala na ang lalaki nga nasapwan patay sang Sabado sang gab-i sa Bangga Ibus, Barangay Tortosa, banwa sang Manapla.
Ang biktima nga si Reynaldo Quiatchon ang nakabaklid sang nasapwan pasado alas-7 sang gab-i kag may packing tape ang iya sini nga mga kamot, ti-il kag baba.
Suno sa hepe sang Manapla PNP nga si Police Major Jaynick Bermudez, Taga 3rd Road, Puentebella Subdivision sa Barangay Taculing sa Bacolod ang biktima kag ang iya mismo nga pamilya ang nagkilala sa iya sini nga bangkay.
May placard naman sa tupad sang bangkay sang biktima nga may nakasulat nga “wag tularan, kawatan ako”.
May tatlo naman ka igo sang bala ang iya nga ulo. Gina usisa pa karon ang PNP kun sino ang sa likod sa pagpatay sa iya.