Sa Domingo gina lauman ang pag abot sang bangkay sang Negrense caregiver nga napatay sa Israel bangud sang kinagamo.
Suno kay Negros Occidental Governor Eugenio Jose Lacson, ginpahibalo siya sang Regional Director sang Overseas Workers Welfare Administration nga si Rizza Moldes nga sa Domingo na ka schedule ang pag-abot sang bangkay ni Loreta Alacre.
Kun ano man nga oras suno kay Lacson wala pa ini na pat-od sang of press time.
Suno sa Migrant Resource Center sang probinsya maga halin ang bangkay ni Alacre sa Tel-Aviv subong nga adlaw kag gina paabot bwas sa Manila.
Damlag pa nagbulig na ang siudad sang Cadiz City sa pag handa sang lugar kun sa diin ihaya si Alacre nga taga Sitio Camay-an Barangay Cadiz Viejo.
Ginsiling ni Cadiz Mayor Salvador Escalante, Jr., damlag pa nga ila man gina handaan ang posible nga pag bisita ni Presidente Ferdinand Marcos, Jr., sa haya.
As of press time, wala pa man sang opisyal nga pahayag bahin sa amo nga pag bisita.