Ginkilala na sang iya nga mga himata ang lalaki nga nasapwan nga patay sa Barangay Efigenio Lizares sang Biyernes nga adlaw nga si Erick Fegidero kag residente sang Barangay Payao, Banwa sang Binalbagan.
Suno sa mga himata sang biktima, may deperensya siya sa pamensaron kag madugay na nga wala sa ila.
Si Fegidero ang gintiro sang wala pa makilal-an nga persona kag nasapwan nalang nga patay na sa higad sang dalan. Natalana nga kuhaon subong nga adlaw ang bangkay sang biktima sa Talisay City.
Wala pa matumod sang kapulisan ang rason sa pagpatay sa biktima kag kun sin-o ang ang may kahimuan sang krimen.