Wala na sang kabuhi ang 80-anyos nga lalaki sang masapwan sa sulod sang C.R. sa iya balay nga gina-construct sa NEDF Subdivision, sakop sang Brgy. Handumanan sa Bacolod City, Biyernes sang aga.
Naabtan sang nag-responde nga kapulisan ang biktima nga nagahigda kag may mga pilas sa ulo kag duguon.
Naga-imbistigar ang Scene of the Crime Operatives agud mahibaluan ang ginkamatay sang biktima.
Ginsiling ni Police Capt. Lelanie Lagoting, hepe sang Station 10 nga sa ila initial investigation, wala man naglinapta ang mga gamit kag pagkabutang sang biktima sa iya kwarto, apang indi pa nila mapat-ud kun ano gid ang motibo sa insidente.
Padayon karon ang backtracking sang PNP kag pagpangita sang closed-circuit television camera footages nga makabulig paathag sa natabo sa tigulang.
Sang Agosto, may reported robbery sang welding machine kag iban pa nga materyales sa nasambit nga balay, suno sa hepe.
May history sang hypertension ang biktima.
[sibwp_form id=1]