Balay sang barangay kagawad sa Barangay 16 sa Bacolod ang gin-strafing sang wala pa makilal-an nga gunman.
Makita sa mga dingding, roll up door kag sa gate sang ila balay ang mga buho tuga sang mga igo sang bala sang caliber 45 pistol.
Suno kay Kagawad Stella Dela Pena, naga-kinaon sila sang amo nga gab-i sang mabatian ang mga linupok.
Nagalibog karon ang ulo sang pamilya kun ano ang rason sang pagpang-atake.
Ginausisa na sang katapo sang Police Station 1 ang insidente.
Ila naman ginatipon ang mga kuha sang CCTV cameras nga malapit sa natabuan sang krimen agud makilala ang responsable sa pagpaniro.