Shadow

May iban pa gid nga mga APOR nga naka lusot sa puerto bisan kulang ang mga dokumento

Mga nagabantay sa puerto ginpangayuan sang paathag angut sa mga pasahero nga nakasulod sa siudad nga kulang sa travel requirements.

Indi lang ang 48 anyos nga lalaki nga nagpositibo sa Covid-19 ang nakalusot sa Bredco Port nga wala sang napakita nga RT-PCR test result sang mag-sulod sa Bacolod.

Suno kay Dr. Chris Sorongon, deputy for medical data and analysis sang Bacolod Emergency Operations Center, may tatlo pa ka mga authorized person outside residence ukon APOR ang yara man karon sa facility quarantine matapos mamutikan nga kulang ang ila travel requirements sa pagsulod sa siudad.

Gani ginhinyo na sang katapo sang EOC ang paathag sang mga nagabantay sa puerto kadungan sang pagpabaskog sang pagmonitor ilabi na karon nga pwede na makasulod ang mga fully vaccinated
nga wala sang negative RT-PCR test result.

Nagpaandam ang pamunuan sang EOC sa mga pasahero nga nagasulod sa siudad nga magsunod sa protocol agud makalikaw man sa kaso kasubong sang 48 anyos nga Covid-19 positive nga gin-refer na sang EOC sa City Legal Office.

Naka pa DFA office na ang lalaki kag naka pamasyar sa iya mga paryente sang nagwa ang resulta sang iya RT-PCR test nga positibo siya sa Covid-19.

Secured By miniOrangeSecured By miniOrange