Antes mag las dose sang udto, gin abisuhan ni Dr. Chris Sorongon sang Bacolod Emergency Operations Center ang mga naga inabot kag naga pila para magpa bakuna nga magpauli na lang kay naubos na ang bakuna.
Isa sa mga wala maka hingabot si Joemarie. Wala pa maka bukas ang mall nagpila na siya para magpabakuna. Ahay lapit na lang maka sulod sa registration ginpahibalo sila nga indi na sla ma akumodar.
Suno kay Dr. Sorongon, last day na lang subong sang mass vaccination sa malls kag sa mga barangay.
Naubos na abe ang tanan nga mga bakuna nga gintalana para sa Bacolod. Naga paabot sila nga may dugang pa gid nga mga bakuna nga maga inabot sa madason nga semana. Kag sa tiun nga mag abot ini, gilayon nga suguran liwat ang pagbakuna.
Dugang pa niya, ang pag dagsa sang mga tawo sa vaccination centers ang naga pakita lamang nga may salig na ang tawo sa mga bakuna. Ang gintalana nga vaccines sa bacolod ang dapat nga ubuson sa sulod san anum ka adlaw ang naubos nila sa sulod lang sang lima ka adlaw. Naga pati siya nga may kinamatarong ang gina bakunahan nga magpili brand sang bakuna nga luyag sini kun may yara man lang sang pilili-an.
Sa pag bukas liwat sang vaccination centers may dugang nga mga malls nga himuon man nga area para sa pagbakuna.
Panugyan niya sa publiko, mag bantay lang sa announcement kun sano naman liwat mang bakuna. Sa record sang EOC may masobra na sa beinte dos mil ang nabakunahan sa Bacolod.