Shadow

Bagyo Rolly naghuyang, Bagyo Siony nagsulod na sa pungsod

Base sa pinaka ulihi nga severe weather bulletin sang PAGASA, ginapaabot nga maglabay sa Marinduque-Central Quezon area kag Batangas-Cavite area ang bagyo nga si Rolly nga may maximum sustained winds nga 175 km/h malapit sa sentro kag may pagmadlos nga tubtub sa 240 km/h.

Ginapaabot nga makagwa sa mainland Luzon si Rolly kag magapadulong sa West Philippine Sea karon sa gab-i.

Mangin maulanon sa gihapon ang madamo nga bahin sang Luzon kag Visayas pati na sa Western Visayas nga may dala nga mabaskug nga hangin kag dalagko nga mga balud sa kadagatan.

Samtang, nagsulod naman sa Philippine Area of Responsibility kaina sang aga ang Tropical Storm nga si Siony nga may maximum sustained winds nga 75 km/h malapit sa sentro kag may pagmadlos nga tubtub 90 km/h.
Base sa forecast sang PAGASA, wala sang tuman nga epekto ang ini nga bagyo sa pungsod magluwas lamang sang maulanon nga panahon.

Secured By miniOrangeSecured By miniOrange