Gin-inagurahan na ang Abelardo and Remedios Bantug Memorial Hospital sa Victorias City kahapon, Lunes.
Ginakabig ini nga panibag-o nga milestone sang siudad sang Victorias sa paghatag sang dekalidad nga serbisyo sa ikaayong lawas sang mga Victoriasanon.
Ini ang ginatawag sadto bilang Immaculate Concepcion Health Center kag gina manage sang Kaayong Lawas Foundation.
Ginpangunahan ni Victorias City Mayor Javi Benitez kag government officials ang inagurasyon. Yara man ang iya amay nga si Bacolod City Mayor Albee Benitez.
May 25 bed capacity ang ospital nga may emergency room, laboratory, x-ray, ultrasound, ECG kag iban pa.