Shadow

NegOcc LGU liwat nga nag preparar sang pagpakaon para sa evacuees sa sulod sang isa ka bulan

Nagsugod subong nga adlaw ang liwat nga pag pakaon sang probinsya sang mga evacuees sang bulkan Kanlaon sa tatlo ka mga apektado nga LGU.

Ginsiling ni Provincial Administrator Rayfrando Diaz nga 6,000 sa karon nga mga evacuees gikan sa La Castellana, La Carlota kag Bago City ang pakan-on sa sulod sang 30 diyas paagi sa community kitchen.

Nag diutay ang kadamuon sang evacuees bangud may nag decamp.

Ang pondo nga gamiton ang gikan sa  damlag pa gin-release sang Malacanang nga 50 million pesos.

Suno kay Provincial Social Welfare and Development Officer, Chiqui Gonzales, pamahaw, panyaga kag panihapon na ang iga handa sang probinsya karon.

“Last time ang aton lang gid didto is lunch and dinner, nag augment si DSWD national for breakfast but for second round naton whatever supplies pwede nga ma manage sang aton nga mga camps into breakfast, lunch and dinner”, suno kay Gonzales.

Ini ang nagabalor sang 11.9 million pesos. Ang menu maga lakip sang one meat per day.

Nag hire naman ang probinsya sang 40 ka mga job order workers gikan sa Bago, La Carlota kag La Castellana, nga maga serbe nga cook.

Secured By miniOrangeSecured By miniOrange