Gina-usisa sang Bacolod City Police Office ang posibilidad nga ang anum ka kilo sang suspected shabu nga na-recover sa buy-bust operation sa Barangay 35 ang ginhanda nga supply sa nagahilapit nga Masskara Festival sa Bacolod.
Kabahin sa ila ginapadalman kun paano nakasulod ang supply nga nagabalor sa kapin P41M.
Ginpahayag ni BCPO Director Col. Joeresty Coronica nga ila naman ginamonitor ang ginakabig newly identified drug personality nga responsable sa likod sang illegal drug trade.
Martes sang gab-i sang na-aresto sang katapo sang RDEU kag City Drug Enforcement Unit upod sa Police Station 1 si John Philip Dellomo nga ginakabig bodegero sang nakumpiskar nga iligal nga droga.
Si Dellomo ang ginakabig high value individual.