Humalin sang nagligad nga semana nagapadayon ang pagnubo sang Covid-19 cases sa Bacolod.
Ini ang kabangdanan kun ngaa nalakip sa evaluation sang Department of Health ang pagpanubo sang alert level sa siudad halin sa alert level 2 panubo sa alert level 1.
Suno kay Em Ang, executive director sang Emergency Operations Center, magahulat pa sila sang guidelines gikan sa DOH antes pa man mapaidalom ang siudad sa alert level 1 sa Marso.
Base sa pagsulundan sang DOH, sarang na maka-operate sa full capacity ang mga commercial establishment sa idalom sang alert level 1 ukon new normal.
Pwede na sa tanan nga edad ang pag-byahe kag posible na ang pagbalik sang face to face classes sa basic education subject sa approval sang Office of the pPresident.
Ginakalipay naman ini ni Mayor Evelio Leonardia, pero wala ini nagakasayuran suno sa iya nga wala na ang virus.
Sa ceremonial vaccination para sa 5-11 year old pediatric vaccination sa mga mall ginpanawagan man sang local health officials sa publiko ang pagpabakuna indi lang tungod nga posible
Mangin requirement ini sa iban pa nga mga commercial establishment kundi agud man nga mas mapangapinan sila batuk sa virus.