Shadow

80,000 ka mga supporters ang ginapaabot sa BBM-Sara grand rally

YouTube player

80,000 ka mga supporter kag volunteer ang gina paabot nga maga tambong sa grand rally ni Presidential Candidate Ferdinand Marcos, Jr. sa reclamation area sa Bacolod City sa Miyerkules.

Ini suno kay Vice Govenor Jeffrey Ferrer nga nagsiling man nga indi magnubo sa 25 ka mga alkalde sa Negros Occidental ang naga suporta kay Marcos. Padayon nga naga damo ang naga suporta gikan sa mga local candidates para kay Marcos kag sa Pebrero 23 mapat-od ini sa mga maga tambong suno kay Ferrer.

Yara si vice presidential candidate Sara Duterte sa rally kasubong man ang UniTeam senatorial candidates.

Paga sugdan ini sang isa ka motorcade las 3:30 sang hapon gikan sa Silay City padulong sa Bacolod kag ang grand rally ginapaabot maga sugod las 5:30 sang hapon. Suno sa Bise Gobernador, ini ang pag pakita sang pwersa nanday BBM-Sara kag tion man nga mapatpat sini ang ila nga plataporma.

Sa tunga sang kampanya kag pag tib-ong sang tagsa ka kandidato, ginsiling man ni Ferrer nga nagakaigo nga mag pangibabaw ang respeto sa isa kag isa.

Secured By miniOrangeSecured By miniOrange