Shadow

Bacolod naga sugod na sa pag issue na sang vaccination certificate, wala pa vax ID

Indi pa available ang online vax cards nga QR coded sa karon gani humalin sang nagligad nga semana, mano-mano ang ginahimu nga encoding kag uploading sang katapo sang City Health Office para sa issuance sang mga vax certificate sang mga fully vaccinated sa Bacolod.

Ang vax id ang naga tumod sa digital id para sa mga fully vaccinated individuals nga may qr code samtang ang vax certificate naman ang tawag sa papel nga gina issue para maka pamatuod nga fully vaccinated na ang isa ka persona.

Suno kay Dr. Edwin Miraflor, OIC sang Bacolod CHO, tanan nga mga fully vaccinated sa Bacolod ang sarang magkuha sang vax certificate nga pwede nila gamiton sa domestic travel kag bisan sang mga OFW nga manuglakat sa abroad.

Ang Department of Information and Communication Technology ang may yara na sang pilot launching para sa mga luyag mag-apply para sa digital vax cerds paagi sa link nga https://vaxcertificate.doh.gov.ph.

Ugaling kutob lamang anay sa mga ofw ang sarang nila ma accomodate.

Pero si Beverly Ramos personal nga nagkuha sang vax certificate sa cho para sa iya utod nga seaman nga ara sa Manila. Indi makakuha sang digital vax id ang iya utod gani ang vax certificate gikan sa CHO ang iya ginkuha.

Ginapaabot sang pamunuan sang Bacolod Emergency Operations Center nga sa madasun nga inadlaw mangin accessible na sa mga fully vaccinated ang digital app sang siudad para man sa mga magakuha sang digital bakuna cards.

Secured By miniOrangeSecured By miniOrange