Sa 24 ka mga nahimu nga quarantine kag isolation facility sang Bacolod, may duha na lamang karon ang gina gamit sumugod nga nagnubo ang kaso sang Covid-19 sa siudad humalin sang nagligad nga binulan.
Nalakip diri ang Mariano G. Medalla Integrated School sa Barangay Pahanocoy nga gintalana para sa mga nagabusong kag mga bag-o bata.
Gintalana naman sang Emergency Operations Center ang Antonio l. Jayme Elementary School sa Barangay Mansilingan para sa mga persons under monitoring.
Suno kay Em Ang, executive director sang EOC, kadam-an sa mga staff kag medical personnel nga gikan sa mga isolation center nga temporaryo nga ginpangsira ang naga serbi anay sa mga vaccination centers.
Bangud ginapaabot man sang department of health ang pagsaka sang Covid-19 makaligad sang mga selebrasyon sa paskwa ginpasiguro sang EOC nga nakahanda gihapon ang mga natukod nga isolation facility nga gamiton kun kinahanglan.