Shadow

Bacolod may 58 ka bag-o nga kaso sang COVID-19

Siudad sang Bacolod ang may 58 ka mga bag-o nga kaso sang COVID-19 kahapon.

Tanan nga mga kaso ang local cases base sa record sang Department of Health.

Ini ang pinakataas nga kaso sang COVID-19 sa sulod sang isa ka adlaw sa Bacolod humalin sang ginpaidalum ang siudad sa enhanced community quarantine sang nagligad nga tuig.

Ginpahayag ni Dr. Chris Sorongon sang Bacolod Emergency Operations Center nga bisan pa nga may yara sang travel moratorium sa Western Visayas padayon ang paglapta sang mga kaso sa siudad bangud nagapadayon man ang mga social gatherings ukon pagtililipon.

Isa man sa kabangdanan sa pagdamo sang kaso amo ang paglatnanay sa sulod sang isa ka pamilya.


Gani suno kay sorongon, bisan pa nga wala na sang may nagasulod sa rehiyon nga gikan sa NCR plus, Cebu kag Davao, dapat sa gihapon maghalong kag ipaiway anay ang mass gatherings ukon ginatawag nga super spreader events.

Nagapadayon man ang virtual meetings sang Bacolod EOC sa nagkalain-lain nga mga sektor para ipahanumdum sa ila ang pagsunod sa minimum health protocols.

“Amo ni ang mga cases makuha naton sa mga establishments, sa mga parties, after parties, ina mga after bunyag, after kasal, after lubong, mga amo na siya so amo gid na ang kalabanan gid. Ang iban na sa ila ang mga pasyente naton nga nag positive amo ni sila ang nagatenir lang sa balay pero may member of the family sila nga nagagwa nga gindala ang COVID pagpuli sa balay,” suno kay Sorongon.

Leave a Reply

Your email address will not be published. Required fields are marked *

Secured By miniOrangeSecured By miniOrange