Shadow

Bacolod magahulat na lang kun ano ang mangin alert status sa madason nga semana

Alkalde sang siudad sang Bacolod magahulat na lamang sa mangin desisyon sang IATF angut sa alert status sang Bacolod sa madasun nga semana.

Beinte otso ka mga barangay ang wala na sang new Covid-19 cases sa Bacolod sandig sa record sang Emergency Operations Center.

Rason kun ngaa nagapati ang pamunuan sang EOC pati na mga opisyales sang siudad nga dapat kuntani na-downgrade na ang alert level status 4 sang Bacolod, naganubo na pati ang Covid-19 cases kag ang utilization capacity rate sang mga ospital.

Suno kay Mayor Evelio Leonardia, wala pa sila sang nabaton nga sabat bisan makapila man ka beses nga naghinyo ang siudad para mapanubo ang alert status sang Bacolod.

Ini sandig man sa rekomendasyon sang Department of Health 6 nga mapaidalom ang Bacolod sa alert level 2.

Sugod Nobyembre uno tubtob Nobyembre katorse, ang bacolod ang ginpaidalom sang National Inter Agency Task Force sa alert level 4 status.

Secured By miniOrangeSecured By miniOrange