Nagapabilin ang pagnubo sang Covid-19 cases sa Bacolod nga karon yara sa moderate risk classification sa idalom sang alert level 3 status.
Pero suno kay Councilor Renecito Novero, indi gihapon magkumpyansa ang tanan, ilabi na ang publiko.
Gani ginaduso niya nga magpain sang dugang nga pondo ang siudad para makabakal sang anti-Covid 19 medicines for emergency cases ang City Health Office.
Ang CHO ang may yara sang 300 million pesos nga annual fund. Pero suno kay Dr. Edwin Miraflor, ang dako nga portion sang pondo ang kinahanglan para sa personnel services kag pagpasanyug sang health facilities sang siudad.
Suno man sa pamuno sang committee on education sarang italana ang bahin sang Special Education Fund agud nga makabakal ang siudad sang supply sang remdisivir, mulnopiravir kag tocilizumab nga indi masam masarangan baklon sang ordinaryo nga pasyente.