Bacolod LGU nagsugod roll out sang tag-P20 kada nga kilo nga bugas sa mga barangay.
Wala labot sa mga dalagko nga merkado, nangin masako man ang pagbaligya sang tag-P20 per kilo nga bugas sang katapo sang City Cooperative and Livelihood Development Office sa Bacolod City Government Center.
Kadam-an sa mga bumalakal mga senior citizen kag persons with disability. Ginpahayag ni Mayor Albee Benitez nga halin sa mga merkado ginsuguran na ang roll out sang bugas sa mga kabarangayan.
Ginsiling ni CCLDO head Brenda Burdeos nga sang ini lang nga hapon nagsugod sila sa pagbaligya sang bugas sa Barangay 1, 2, 3, 6 kag 9.
Tig-70 ka sako sang bugas halin sa National Food Authority ang ila ibaligya sa mga main barangays sa siudad kag tig-50 naman sa mga numbered barangays.
Until supply last ang ginpain nga masobra P7M nga pondo sang Bacolod LGU bilang financial subsidy para sa pagbakal sang masobra 5,800 ka sako sang bugas.
Ginatun-an sang LGU ang pagpain sang dugang nga pondo kun ginakinahanglan.
Nagpasalig naman si Agriculture Secretary Francisco Tiu Laurel, Jr., sa iya pagbisita sa Bacolod nga ipasiguro sang national government nga maglawig ang rice program tubtob sa 2028.