Negros Occidental kag siudad sang Bacolod ang magapabilin sa alert level 3 tubtob Pebrero 15.
Magapabilin sa status quo ang mga travel restrictions sang Bacolod upod sa pila pa ka mga lugar sa Western Visayas kag sa negros oriental nga napaidalom sa alert level 3 tubtob Pebrero kinse.
Nagalauman ang katapo sang business sector nga magapabilin ang pagbangon sang negosyo karon nga ginpahalugan ang mga travel restrictions sa idalom sang alert level 3.
Samtang ginhinyo naman sang Emergency Operations Center ang bulig sang mga pharmacists sa pagpangbakuna sang booster dose para sa mga 18-59 year old nga wala sang co-morbidity.
Kaina ila na ginsapol ang mga pharmacists sang isa ka drug store sa Bacolod agud nga makabulig sila sa bahin sang pagpadasig sang pagpangbakuna para sa booster dose.
Sa Huwebes igalunsar ang vaccination program sa drug store sa mall kag ginalauman sang siudad nga madamo pa nga mga pharmacy ang maga-suporta sa ginpabaskog nga booster shot vaccination program.