Siudad sang Bacolod kag probinsya sang Negros Occidental ang magasapul na kada semana para mangin masulhay ang ila operation sa pagpanubo sang mga kaso sang COVID-19.
Ginpahayag ni Bacolod Emergency Operations Center executive director Em Ang nga tinutuyo sang ila pagsinapol nga maghatagay sang nagakaigo nga mga impormasyon agud nga mas ma monitor nila sang maayo ang bug-os nga sitwasyon sang COVID-19 sa siudad kag probinsya.
Kabahin diri ang contact tracing, patient extraction kag available nga mga hospital beds para sa mga pasyente ilabi na nga ang pito ka mga ospital sa Bacolod ang nagabaton man sang mga pasyente gikan sa iban nga mga banwa kag siudad sa Negros.
Gindugang pa ni ang nga palarehas na karon ang travel guidelines sang Bacolod kag Negros Occidental gani mas mahapos na para sa mga naga inabot nga pasahero ang pagkuha sang travel requirements kasubong sang S-Pass kag StaySafe nga online application.
Kada Biernes sang hapon magasapul ang Bacolod City Health Office kag Provincial Health Office para sa ila updating kag situationer report.