11 ka mga banwa kag siudad sa Negros Occidental ang yara sa Alert Level 1 sumugod Hulyo 1 – 15, 2022. Nagapabilin man ang Bacolod City sa Alert Level 1.
Nalakip sa Alert Level 1 ang Cadiz City, Candoni, Talisay City, Victorias City, Enrique B. Magalona, La Carlota City, Pontevedra, Pulupandan, Sagay City, San Enrique kag Valladolid.
Ang nabilin nga bahin sang Negros Occidental ang yara sa Alert Level 2.
Sa bilog nga Region 6 ang Antique na lamang kag ang Negros Occidental ang may mga banwa kag siudad nga yara sa Alert Level 2, na de-escalate na ang iban pa nga probinsya kag highly urbanized cities sa Western Visayas sa Alert Level 1.
Sini lamang gin pa gwa sang National IATF ang Alert Level Classification para sa July 1 to 15, 2022 gamit ang bag-o nga mga matrix para sa alert level system.
Ang case risk classification ang nabase sa average daily attack rates kag total bed utilization rate.
Gin bag-o man ang tabulation sang total bed utilization rate kag average daily attack rate. Samtang, suno sa Provincial Health Office, wala sang namutikan nga pagsaka sang kaso sang Covid-19 sa Negros Occidental.
Padayon ang swabbing sa mga port of entries sa mga persona nga nakitaan sang sintoma, kasubong man ang mga close contacts sang mga Covid positive.
64.47 percent ang fully vaccinated sa Negros Occidental kag 59.04 percent naman sa mga senior citizen.