Shadow

Malapit sa  P1.4M nga balor sang iligal nga droga na-recover

Malapit sa 1.4 milyones pesos nga balor sang iligal nga droga na recover sa Bacong, Negros Oriental samtang tatlo naman ka mag-utod dakop sa buy-bust  operation sa Kabankalan City.

Arestado ang 42 anyos nga high value individual matapos ini makuhaan sang masobra P1M nga balor sang iligal nga droga sa buy-bust operation sa Bacong.

Ang suspek amo si Crisanto Sayre.

Tatlo ka dalagko kag duha ka gamay nga sachet sang suspected shabu nga naga bug-at sang 200 grams ang nakuha sa iya.

Ginabulubanta nga nagabalor ini sang 1,360,000 pesos.

Samtang, dakop man ang tatlo ka mag-ulutod sa buy-bust operation sang Domingo sa Barangay 3 sa Kabankalan City.

Isa sa naaresto amo si Ruel Vicente nga gina alegar miyembro sang Bugalon Drug Group.

Detained man ang iya utod nga sanday Dunn kag Emily.

P200,000 nga balor sang gina patihan shabu ang nakuha sa mga suspetsado.

Kaso nga pag lapas sa RA 9165 ang ila pangatubangon.

Secured By miniOrangeSecured By miniOrange