Shadow

Bacolod handa na sa paghatag sang booster shots samtang ginahulat ang emergency use authorization sang FDA

Siudad sang Bacolod handa na para sa pag-administer sang booster shots samtang ginahulat ang emergency use authorization gikan sa Food and Drug Authority.

Nakahanda na ang mga vaccination centers pati na ang supply sang mga bakuna nga gamiton sang Bacolod Emergency Operations Center sa natalana nga pagbakuna sang booster shots sa mga medical frontliners kag senior citizen.

Kadam-an sa dise nuebe mil ka medical health care workers upod man sa mga senior citizen sa Bacolod ang ginalauman sang katapo sang eoc nga magapabakuna para sa dugang nga dose sang Covid-19 vaccines agud man mas mapangapinan sila sa virus.

Suno kay Dr. Chris sorongon, deputy for medical data and analysis sang EOC, sa Nobyembre kinse ginapaabot sugdan sang EOC ang pag-administer sang booster shot sa tion nga mabaton na ang emergeny use autorization gikan sa Food and Drug Authority.

Padayon man karon ang vaccination program sang EOC sa mga school campus bilang pagpanghanda para sa natalana nga pagbalik sang face to face classes.

Ginalauman nga antes matapos ang tuig, malab-ot sang siudad ang 70 percent herd immunity para man makabangon ang Bacolod sa epekto sang pandemic.

Leave a Reply

Your email address will not be published. Required fields are marked *

Secured By miniOrangeSecured By miniOrange