Apat tubtob anum ka beses kada adlaw nga gina-check kag ginapasiguro sang mga personnel sang cold storage facility sang Bacolod nga na-maintain ang room temperature sang pasilidad para indi ma-expire ang mga Covid-19 vaccines.
Ang pamunuan sang EOC ang nagpasalig nga may nagakaigo nga supply sang bakuna para sa Bayanihan Bakunahan 2 humalin Miyerkoles tubtob sa Biyernes.
Nakahanda naman ang 43 tanan ka mga vaccination center sa mga kabarangayan, mga mall kag sa iban pa nga mga commercial establishments para sa ikaduha nga National Vaccination Days sa Bacolod.
Dugang pa diri ang duha ka bag-o nga cold chain vans nga pagagamiton para malab-ot sang mga vaccinators ang mga luyag magpabakuna sa mga purok.
Suno kay dD. Miraflor, maid-id nga paga-usisaon sang mga vaccinators ang mga magapabakuna agud mapaiway ang posible vaccine mix up .
Ginapaandaman man nila ang mga magapili sang bakuna, ilabi na para sa second dose.