Shadow

Bacolod EOC nagpasalig sang supisyente nga supply sang bakuna para sa pediatric vaccination, booster shot

Pamunuan sang Bacolod Emergency Operations Center nagpasalig nga may supisyente ukon nagakaigo nga supply sang bakuna para sa pediatric vaccination kag sa para sa natalana nga pagpangbakuna para sa booster shot.

Sa masobra kwatro sientos biente kwatro mil ka target population nga mabakunahan sang siudad, otsenta’y kwatro porsyiento na diri ang nabakunahan sang Covid-19 vaccines.

Malapit na 180 mil diri ang fully vaccinated base man sa datos sang Emergency Operations Center.

Gani ginalauman sang pamunuan sang EOC nga antes sang paskwa malab-ot na sang siudad ang 70 porsyiento nga herd immunity.

Ginpasalig man ni Em Ang, executive director sang EOC nga bisan may yara man sang vaccination program sa mga kabarangayan, may nagakaigo nga supply sang bakuna ang siudad para sa nagapadayon karon nga pediatric vaccination sa mga mall kag pati na sa natalana nga pagpalab-ot sang booster shots ukon dugang nga dose sang Covid-19 vaccines para sa mga medical frontliners kag senior citizens.

Antes sang Nobyembre kinse ginalauman sang siudad nga mabaton ang guidelines sang Department of Health para masugdan na ang pagpangbakuna sang booster dose.

Leave a Reply

Your email address will not be published. Required fields are marked *

Secured By miniOrangeSecured By miniOrange