Shadow

Bacolod EOC naga hulat kun may bag-o nga travel guidelines nga ipatuman

Bacolod Emergency Operations Center ang nagahulat sa karon kun may yara gid man sang bag-o nga travel guidelines nga ipatuman ang national government para sa mga local government units.

Ginpahayag ni Bacolod EOC executive director Em Ang nga base sa virtual meeting sang Department of Interior and Local Government kag National Inter-Agency Task Force sa mga alkalde kag gobernador sa pungsod, luyag sang gobyerno nga himuon nga palarehas ang tanan nga requirements para sa pagbiyahe sa mga banwa, siudad kag probinsya.

Kabahin diri ang pagdula sang pagkuha sang travel authority gikan sa PNP, negative RT-PCR test result kag facility quarantine magluwas lamang kun may yara sang sintomas sang COVID-19 ang isa ka persona.

Ginatun-an man sang DILG ang paghimo sang isa ka QR code system para sa tanan nga mga gabiyahe nga daw kasubong sang BaCTrac contact tracing nga ginapatuman sa Bacolod City kag iban nga bahin sang pungsod.

Luyag man sang dilg nga dula-on ang tanan nga travel requirements sang mga authorized personnel outside residence ukon APOR nga yara sa gobyerno.

Pero gin athag ni Ang nga samtang wala pa sang memorandum ukon mando gikan sa DILG ukon NIATF, padayon nga ipatuman sang bacolod ang mga travel requirements sini ilabi na ang pag require sang negative RT-PCR test result sa mga nagasulod sa siudad.

Secured By miniOrangeSecured By miniOrange