Bacolod City Emergency Operation center naga-recommend sa mga pamunuan sang local government unit sa Negros Occidental nga kun mahimu mag-coordinate sa ila angut sa pagpasulod sang mga Covid-19 positive sa mga hotel.
Indi ma pwersa sang Bacolod EOC ang mga hotel kag pension houses nga ginahimu karon bilang isolation facility nga indi magbaton sang mga Covid-19 positive.
Pero nagapangabay si Em Ang, executive director sang EOC nga kun pwede indi magbaton sang mga walk-in patients ang mga hotel kag pension house nga gintalana para sa mga nagpositibo sa Covid-19.
May apat tanan nga hotel kag pension house nga natagaan sang accreditation sang Department of Health para magserbe nga isolation facility sa Bacolod.
Tungod man kahangawa nga tuga sang Covid-19 Delta variant, gina-recommend sang EOC sa mga pamunuan sang banwa kag siudad sa probinsya mga makig-angut sa ila kun may yara sila sang pasyente nga ipasulod sa mga hotel kag pension house nga isolation facility sang siudad.