Shadow

Bacolod EOC: Indi mandatory sa mga kalan-an ang indi magpa dine in sa indi pa fully vaccinated

YouTube player

Ginakalipay karon sang pamunuan sang Bacolod Emergency Operations Center nga may pila na ka mga establishment nga nagahatag sang incentives kag iban pa nga pribilihiyo sa mga fully vaccinated.

Kabahin diri ang pagtalana sang dine in area sang tagdumalahan sang mga restaurant para sa ila mga customer nga fully vaccinated.

Pero ginklaro ni Dr. Chris Sorongon, deputy for EOC medical data and analysis nga ini ang indi mandatory kag diretso man ini sang tagdumalahan sang mga kalan-an.

Ginapasalamatan man sang EOC ang katapo sang Hotel And Restaurant Association ofNegros Occidental sa paghatag suporta sa siudad agud nga maengganyo ang publiko nga magpabakuna kontra Covid 19.

Ang mga fully vaccinated ang wala na gina-require sang RT-PCR test sa ila pag-byahe, kabahin sa ginahimu nga tikang agud mapahalog man ang travel restrictions sa pungsod.

Sandig sa record sang Department of Health 6, masobra na sa 54 percent ang nabakunahan sa Bacolod ukon masobra sa siento sisentay dos mil na ang fully vaccinated.

Secured By miniOrangeSecured By miniOrange