Konsehal magapasaka sang dugang nga kaso sa anay pamuno sang Bacolod Traffic Authority Office may angut sa gina-alegar iligal nga pag-gamit sang supply sang gasolina. Malawig na nga naislan sa pwesto si Police Major Junji Liba bilag anay head sang Bacolod Traffic Authority Office.
Pero ginsiling ni Councilor Al Victor Espino nga magluwas sa ginpatigayon nga fact finding investigation sang Committee on Transportation and Traffic angut sa gina- alegar iregularidad sadto sa BTAO, magapasaka siya sang kaso kriminal batuk kay Liba may angut sa ginakabig illegal gasoline disbursement. Dugang ni Espino nga nagagamit sadto sang gasolina sang siudad ang mismo katapo sang pamilya sang anay BTÃO head.
Ginpahayag ni Liba nga makabig harassment ang ginahimo sang konsehal batuk sa iya kag sa iya pamilya. Ini matapos ginpaboran sang City Prosecutor ang pagpasaka sang kaso nga other light threats sang iya anay BTAO staff nga si Abner Salvallon batuk kay Espino.