Sa isa ka simulation exercise ginpakita sang katapo sang Bacolod City Police Office nga preparado na sila para sa campaign period padulong sa adlaw mismo sang pinili-ay.
Halin sa pagpatigayon sang COMELEC checkpoint, pakadto sa kun ano ang himuon kun may armado nga maga bato sa mga pulis.
Ang kahandaan sang SWAT Team ginpakita man pati na ang pag responde sang SOCO kag kun ano ang himuon kay may hostage taking nga matabo.
Ginpakita man ang nagakadapat nga pamaagi sa pag responde kun may explosion nga matabo pati na ang pagkuha sang gina suspetsuhan nga explosive device.
Subong nga nag sugod na ang campaign period handa naman ang BCPO sa paghimo sang mga tikang para sa isa ka malinong nga Barangay kag SK Elections.