Paagi sa Emergency Operation Center igalunsar sang bacolod ang mobile kag drive thru vaccination para sa mga markets vendors sa Bacolod City Government Center.
Ini magluwas man sa ginaplano nga house to house vaccination para naman sa mga bed ridden patients kag sa mga senior citizens nga may co morbidity.
Suno kay Sorongon kabahin ini sang pagpanghanda sang siudad batuk sa kahangawa sang variants of concerns nga na detect sa pila ka mga lugar sa Western Visayas.
Suno sa kay Mayor Evelio Leonardia, wala pa man matuod maka sulod ang delta variant sang covid 19 sa bacolod pero engkaso gid man nga matabo ini, handa ang siudad.
Pero ang siudad ang nagtalana na sang mga oxygen tanks sa isolation facility.
Ginpabaskog man ang vaccination roll out pinaagi sa pagbukas sang dugang nga vaccination centers.
Kadungan sang ini nga mga tikang ang pagpapatuman sang mas hugot nga border kag travel restrictions sa mga nagabyahe nga pasahero pasulod sa bacolod agud nga mas mapanubo pa ang Covid-19 active cases sang siudad.