Mga empleyado sang siudad nagbuylog sa bloodletting activity agud makabulig sa pagpasiguro sang nagakaigo nga supply sang dugo.
Wala sang kaugalingon nga blood supply sa blood bank ang Bacolod LGU.
Masami indi man madali ang pagkuha sang supply sang dugo sang mga pasyente nga nagakinahanglan.
Gani naglunsar sang bloodletting activity ang BacCHP upod sa Public Affairs and Assistance Division kag SK Federation nga ginbuylugan sang mga city employees sa Bacolod City Government Center.
Suno kay Rey Provido, assistant cluster head sang PAAD, ang bloodletting activity kabahin sang tikang agud man may supply sang dugo nga nakahanda para sa BacCHP.
Tinutuyo sang Bacolod LGU nga himuon quaterly ang bloodletting activity agud may nagakaigo nga blood supply sa mga blood bank sa siudad.