Benepisyo sang mga empleyado kag klaro nga mga policies kag guidelines ang tutukan sang bag-o nga presidente sang Progressive Alliance of Capitol Employees.
Nalakip naman diri ang backlog sa funeral assisstance sang mga miembro.
Suno kay Randy Peacita, ang presidente sang PACE, as of Feb 2,2024 may 237 ka mga miembro sang PACE ang wala pa makabaton sang funeral assistance.
Ang sitwasyon amo nga naga dalagan tatlo ka tuig ang kalawigon kag sila ang tigayon makabaton sini.
30,000 pesos ang assistance kun miembro sang pamilya ang mag taliwan kag kun empleyado mismo ang mag taliwan, 40, 000 pesos ang assistance.
Kun sumahon mga 7 million pesos ang backlog.
Suno kay Peacita, tinguhaan sang bag-o nagpungko nga mga opisyal nga mapangitaan sang pamaagi nga maka dugang ganar ang PACE kag makapangita man sang iban nga source of fund para matigayon bayaran ang backlog.
Isa sa iya nga iduso amo ang maka loan para diri.
Ini ang talakayon pa sang board suno sa iya.
“Isa sa gina propose ko para maging smooth ang operation sang PACE, ma formulate gid kami operational handbook. I-revisit guro namon liwat ang policies and guidelines sang funeral assistance. Kadako gid na nga issue subong. Nag pile-up na siya every year. Sa pila ka dekada sang PACE, ginlantaw ko ang backlog sa funeral assistance naglab-ot na ang back log 237”, suno kay Peacita.