Sandig sa data nga ginpagwa sang Philippine Statistics Authority ukon PSA, nangin ika tatlo nga Highly Urbanized City sa Pilipinas nga may pinakamadasig mag-uswag nga ekonomiya ang Bacolod City sang 2025.
Yara sa 6.8 percent ang growth rate sang ekonomiya sang siudad sang 2025 nga mas mataas kun ikumpara sang tuig 2024.
Sa isa ka social media post, ginsiling ni Bacolod City Mayor Greg Gasataya nga apesar sa krisis nga ginapangatubang sang siudad bangud sa pagsaka sang presyo sang gatong, wala ini nakapugong sa pag pasanyog sang ekonomiya sang siudad, rason nga nga sa 33 ka mga siudad, nangin ikatatlo ang Bacolod City.
Sa amo nga resulta, nagapanguna ang General Santos City nga may 8 percent growth rate kag Cagayan de Oro City nga may 7.4 percent growth rate.
Gin-base sa 2025 Gross Domestic Product ukon GDP, mga investments, ang amo nga pagtuon.
Nagpasalig man ang alkalde nga padayon nga pasangkaron sang siudad ang ekonomiya agud makahatag sang dugang nga mga higayon kag employment sa publiko.
[sibwp_form id=1]