BACOD ginkalipay ang pagbalik byahe makaligad gin-aprobahan sang kongreso ang ginahinyo nga status quo sa pagbyahe sang unconsolidated traditional jeepney units sa pungsod.
Ginpaiway anay sang katapo sang Bacolod Alliance of Commuters Operators and Drivers ang pagpatuman sang rally protesta matapos gin aprobahan sang kongreso ang hinyo nga mapabilin ang status quo sa pagbyahe sang unconsolidated nga traditional jeepney sa pungsod.
Ginpahayag ni Rudy Catedral,presidente sang BACOD nga makabig ini nga kadalag-an sa ila pagpamatuk sa ginapatuman nga jeepney phase out, kabahin sang programa sa transport modernization program.
Dugang ni Catedral nga handa sila magpaidalom sa modernization program kag magbakal sang modernized jeepney units ugaling luyag nila sang mas barato nga unit agud indi matam-an ang kadam-an sa ila nga mga operators kag drivers.
Samtang,nanindugan ni Catedral nga ang ila ginahimo nga pag protesta ang para lamang sa pagtib-ong sang kawsa sang transport sector kag wala sila sang intensyon nga manggamo ukon balabagan ang pag-byahe sang mga katapo sang traditional jeepney organizations nga naka-pa consolidate na.
Ang pagpatuman sang peacful rally kag motorcade ang kabahin sa ila mga tikang agud mapabaskog ang ila panawagan batuk sa pagdula sang traditional jeepney units sa dalanon.