Isa ka pasahero nga babaye sa isa ka eroplano pa Bacolod sa Ninoy Aquino International Airport Terminal 3 ang gindakop bangud sang pagsupak sang Article 287 sang Revised Penal Code ukon Unjust Vexation kag Presidential Decree No. 1727 ukon Bomb Joke Law sang Lunes.
Sa report sang Philippine National Police Aviation Security Group nakasaka na sa eroplano ang pasahero kag gina-assist sang cabin crew nga mabutang ang iya bag sa overhead bin sang nag joke ini nga ibutang sa ibabaw ang iya nga bag kay basi masal-an nga may unod nga bomba. Ginpahibalo gilayon ang pasahero nga indi pwede maka lango-lango parte sa bomba sa airport kag sa eroplano.
Ang mga personnel sang PNP AVSEGROUP sa NAIA Police Station 3 ang gilayon nag responde kag gin-escort papanaog ang pasahero.
Nagpatigayon sang clearing kag paneling operations ang PNP Explosive Ordnance Disposal and Explosive Detection Dog units kag wala man sang nakit-an nga explosives ang bagahe.
Ginahanda na ang kaso criminal batuk sa amo nga persona.
Ang PNP AVSEGROUP naga abiso sa publiko nga isa ka criminal offense ang bomb joke kag gina seryoso ina gani magpamensar anay antes magbuya sang sugilanon.