Babaye nga isa sa mga gintiru sang wala makilal-an nga gunman sa Barangay 2 ang nagtaliwan.
Ang biktima nga ginkilala sang PNP nga si Lorensa Prado, 33 anyos ang napatay bangud sang pilas nga iya naagum tuga sang pagpaniro sa Purok Lampirong,Barangay 2 sa Bacolod kahapon.
Ang biktima nga taga-Victorias City amo ang una nga gintiru sang gunman nga naka-puti nga t-shirt kag naka-helmet sang makaduha ka beses.
Madasun man nga ginlabyan sang gunman ang isa pa ka lalaki nga nagabakal sa malapit nga tiangge sa lugar kag gintiro.
Ang biktima nga ginkilala kag alyas Chris ang dead on the spot bangud sang naangkon nga pilas tuga sang igo sang bala sa ulo.
Indi pa mapat-ud sang katapo sang Police Station 2 kun ano ang motibo kag relasyon sang mga ginpamatay nga biktima.