Gina pangita pa karon sang kapulisan ang 40 anyos nga si Jimmy Alimania matapos niya gin haboy sang granada ang iya sini hinablos sang Domingo kag nakuha pa ang iya sini improvised nga shotgun.
Suno sa hepe sang Murcia PNP nga si Captain Gerald Muya, nag labay lang ang suspek sa gwa sang balay sang iya sini hinablos nga si Mylene Alimania sa Barangay Buenavista sa Murcia.
Hinali na lang suno sa pulis nga gin haboy sang suspek sang granada ang iya hinablos nga yara lang man sa gwa sang balay.
Nahampak pa suno kay Muya ni Mylene ang granada sa iya tiyo gamit ang stick gani nag palagyo ang suspek kag iya nabilin ang iya shotgun.
Wala man nag lupok ang granada suno sa pulis bangud sa may secondary pin pa ini.
Dugay na nga naga inaway suno sa pulis ang duha kag bangud sang kahulugbon, posible nahimo ini sang tiyo suno kay Muya.
Kaso nga frustrated homicide, RA 10591 kag ra 9516 ang ipasaka sang PNP batuk sa tiyo.