May pagsaka sa presyo sang kada kilo sang karne sang baka.
Ini base sa pinaka ulihi nga monitoring report sang Provincial Veterinary Office.
Masobra sa 3 pesos ang average nga ginsaka sa presyo sang baka sa probinsya sa October 2 nga report ni Dr Placeda Lemana kay Governor Eugenio Jose Lacson.
Ang siudad sang Escalante ang may pinaka mahal nga kilo sang karne sang baka – 490 pesos kag ang banwa naman sang Pulupandan ang may pinaka barato – 290 pesos ang kilo.
Halos wala naman sang pag bag-o sa kada kilo sang manok kun ipaanggid sa presyo sang nagligad nga semana.
Yara ang average price sa 202.89 pesos ang kilo.
Amo man sa kada kilo sang baboy nga yara sa average price nga 265.69 pesos kada kilo.