Romeo Subaldo

Patay ang isa ka senior citizen kag isa ang pilason sa sunog nga nagluntad sa Brgy. San Jose banwa sang Binalbagan, Sabado sang gab-I. Suno kay Fire Officer 2 Joseph Salarda, Chief sang Intelligence and Investigation Section sang Bureau of Fire Protection-Binalbagan, ang napatay ginkilala kay Salome Delprado, 76-anyos, samtang ang pilason amo si Oscar Mission, 51-anyos. Suno sa BFP na-trap si Delprado sa sulod sang ila puluy-an bangod siya ang bed ridden kag natabuan nga wala ini upod sa ila puluy-an sang natabo ang sunog. Nagdangat sa kapin P282,000 ang kahalitan sang sunog sa apat ka balay. Sa inisyal nga imbestigasyon sang BFP-Binalbagan, nga ang sunog ang nagsugod sa kusina apang nagapadayon pa ang imbestigasyon sang mga bombero.&...

Patay ang 52 anyos nga tapasero sang tubo nga si Marcelino Mojares matapos nga gintiro Huwebes sang gab-i sa Sitio Pansalagon, Barangay Tara, sa banwa sang Mabinay sa Negros Oriental.Ang suspek ginkilala kay Ruben Telpo, Jr., 19 anyos.Sa inisyal nga imbestigasyon sang PNP, ang biktima kaupod ang iban nga tapasero nagpadulong sa balay ni Edpe Dopio para mag inum sang tubig halin sa isa ka thanks giving party sa beach sakay sa truck.Pag abot sa lugar sang insidente, hinali na lang nga gintiro sang suspek ang biktima sang wala pa mahibaluan nga armas. Naigo ang biktima sang bala sa dughan.Gilayon nga nagpalagyo ang suspek. Gindala sa Mabinay Medicare Community Hospital ang biktima pero gindeklarar nga dead on arrival.

Nasapwan nga patay ang 59-anyos nga si Reynaldo Mondejar matapos mahulog sa kalog sa Sitio Stop Aguinaldo Brgy. San Isidro banwa sang Toboso Huwebes sang aga.Suno sa kay Police Major Jun Ray Batadlan ang Chief of Police sang Toboso PNP, nakita ang isa ka lalaki nga naga hapaon sa may kalog sa merkado kag gilayon nga ginpahibalo sa ila nga estasyon.Gina-alegar nga kilala nga manug-inom sa lugar si Mondejar kag naga gwa sa imbestigasyon sang PNP nga bangud sa kahulugbon mahimo natumba ini kag nalampos ang ulo sa semento.Ginhingagaw pa dala sa ospital ang biktima apang gindeklarar nga dead on arrival.

Arestado ang isa ka high value individual sa ginpatigayon nga buy-bust operation sang Bacolod City Police Office-City Drug Enforcement Unit sa Phase 6B Block 32 Lot 13, Purok Sto. NIño, Barangay Handumanan, Bacolod City kaina las 1:27 sang kaagahon.Ginkilala ang suspect kay Allen Jay Tumayan Yusay alyas Tisoy, 30 anyos kag residente sang nasambit nga lugar.Nakuha sa iya ang 125 grams sang suspected shabu nga may Standard Drug Price nga Php 850, 000.00 kag isa ka Caliber .45 pistol.Si Yusay ang naaresto sa paglapas sa section 5 kag 11 sang RA 9165 ukon Comprehensive Dangerous Drugs Act of 2002 kag RA 10591 ukon Comprehensive Firearms and Ammunition Regulation Act.

Isa ang patay kag walo ang pilason matapos matumba ang  canter sa Brgy. Isio banwa sang Cauayan Martes sang gab-I.Suno sa kay Police Lieutenant Colonel Gary Allan Resuma ang Chief of Police sang Cauayan PNP, siyam ka mga persona ang sakay sa canter kalakip ang driver .Dugang pa ni Resuma, maghimata ang sakay sang salakyan nga lunsay mga residente sang Sipalay kag ini ang gikan sa banwa sang Ilog matapos magtambong sa isa ka birthday party.Suno sa pulis,  paglab-ot sa lugar sang insidente napiyongan ang driver sang truck kabangdanan nga nadulaan ini sang control kag nahulog sa higad sang dalan.Nakaagum sang mga pilas ang mga sakay sang canter apang ang isa ka 12-anyos nga babaye ang napatay.Nagaguwa sa imbestigasyon sang kapulisan nga lunsay nakainom ang sakay ...

Isa ka bangkay ang nasapwan nga yara na sa state of decomposition sa Sitio Mabinlang, Barangay, Panalaan, Bais City, Negros Oriental sang kahapon. Ang 94 anyos nga lalaki ang taga Sitio Cansanag sa amo man nga barangay.Suno sa Bais City PNP ang biktima ang ulihi nga nakita sadtong March 26. Tigayon siya nga nakilala  ang iya pamilya pinaagi sa iya nga bayo. Naga kadula ang memorya ang biktima.Sa imbestigasyon sang PNP, posible nga nahulog siya sa banglid. Gina usisa pa sang PNP kun may foul play.

May apat ka mga suspek nga ginalantaw nga amo ang sa likod sang kamatayon sang tricycle driver sa banwa sang Binalbagan.Suno sa kay Police Lieutenant Glen Portunes ang Deputy Chief of Police sang Binalbagan PNP, may ara sila sang CCTV footage nga narecover malapit sa lugar sang insidente nga naga pakita nga may mga persona nga kaupod ang biktima.Dugang pa ni Portunes, naginom-inom ang mga suspek kag ang biktima nga ginkilala sa kay Anthony Toledo nga residente sa banwa sang Isabela.  Ginapatihan nga ini ang papuli na sa Isabela antes ini masapwan.Nagaguwa sa ila nga imbestigasyon nga robbery hold-up ang motibo sa kamatayon ni Toledo bangud nadula na ang wallet sang biktima nga may unod nga 800 pesos kag wala na ang tricycle sang biktima.

Nagapadayon na sa karon ang detailed nga engineering design para sa Panay-Guimaras kag Guimaras-Negros Bridge.Suno sa Regional Director sang DWPH Region 6 nga si Sanny Boy Oropel, ang detailed nga engineering design sa masobra sa 13 kilometros nga Panay-Guimaras Bridge ukon Phase 1 ang mauna nga mahuman Disyembre sini nga 2024. Masunod naman ang phase 2 nga 19.47 kilometros Guimaras-Negros Bridge sa December 2025.Maga umpisa ang construction sang phase 1 sa 2025 kag gina lauman nga mahuman sa 2028 antes matapos ang termino ni President Ferdinand Marcos, Jr.Ang sa phase 2 naman ukon ang taytay nga maga angut sang Guimaras kag Negros ang indi pa sa karon mapat-od kun sano gid masuguran.

Ginkilala kay Anthony Toledo, isa ka tricycle sang banwa sang Isabela ang nasapwan nga bangkay kaina las 8 sang aga sa katubuhan sang Sitio Kangkong, San Agustin, Brgy. Bagroy banwa sang Binalbagan.May mga buno sa lawas ang biktima kag may busal pa ang iya nga baba sang siya ang nakita sang isa ka residente nga nag-agi sa lugar.Nasapwan ang lawas ni Toledo matapos ginpangita sang isa ka lalaki kon diin nagahalin ang naga ring nga cellphone nga iya nabatian.Dumot ang ginalantaw karon sang kapulisan nga motibo sa pagpatay kay Toledo bangud sa kadamuon sang buno nga iya naangkon nga naga pakita sang tuman nga kainit sang suspek.

Nakilala na sang PNP ang isa sa indi magnubo tatlo ka mga suspek sa likod sang pag pang ransak sang iGaisano City Mall sa San Carlos City sang Biyernes Santo.Suno sa kay Police Major Ryan Villasario ang Deputy Chief of Police sang San Carlos City PNP, indi pa mahingadlan ang suspek subong bangud naga padayon ang police operation. May mga saksi nga naka panugid sa mga pulis nga indi magnubo sa tatlo ka mga persona ang ara sa likod sang pagpangawat.Isa diri sa ila naga pang edaron sang 30-anyos pasaka kag gina usisa na sang pulis kun may pending siya nga warrant of arrest angut man sa pagpangawat.Sang Biyernes  Santo, siyam tanan ka mga baligyaan sa sulod sang  mall ang na biktima sang mga kawatan kag nagdangat sa 450,600 pesos ang balor sang mga ginpangkuha nga mga bal...