Romeo Subaldo

Aprubado na sa Committee on Public Services sa Senado ang House Bill 9805 ukon paghatag prangkisa sa Negros Electric Power Corporation ukon NEPC.Sa tunga gina batyag nga epekto sang El Niño Phenomenon, nag-sponsor sang local bills si Sen. Grace Poe para mahatagan sang legislative franchises ang mga power distribution utilities sa probinsiya sang Leyte, Romblon, kag Negros Occidental.Sang Lunes ginduso ni Poe, ang chairperson sang Committee on Public Services ang approval sang House Bill Nos. 6295, 9154 kag 9805 sa plenary session.Ini nga mga prangkisa ang para sa Leyte II Electric Cooperative (LEYECO II), Romblon Electric Cooperative (ROMELCO), kag NEPC.Suno kay Sen. Poe, ini na ang husto ang tion para i-present ang mga measures agud masiguro ang access sang mga kunsum...

Ang Negros Oriental government ang maga release sang P52 million nga Quick Response Fund kasunod sang pagdeklarar kag pagpaidalom sang bug-os nga probinsya sa state of calamity bangud sang El Niño Phenomenon.Ang pagpaidalom sang bilog nga probinsya sa state of calamity ang kasunod sang pagdalarar man sang state of calamity sang Bayawan City, Santa Catalina kag Mabinay.Biyernes sang nagdeklarar ang provincial board sang state of calamity sa isa ka special session.Ginsiling na nga daan ni Board Member Woodrow Maquiling, Sr. nga ang resolution ang ginapaabot na nga maga gwa Lunes nga adlaw. Suno pa sa kay Maquiling gamiton ang calamity fund sa pagbulig sa mga mangunguma kag sa pag sabat sa iban pa nga mga problema dala sang El Nino.

Patay ang katapo sang LGBTQ Community matapos gintiro sang wala pa makilala nga persona sa sulod sang iya balay Lunes sang gab-i sa Purok Boulevard, Brgy.14, siudad sang Bacolod.Ginkilala ang biktima sa kay Babes Gonzales, 24 anyos.Suno kay Police Major Elmer Bonilla, hepe sang Police Station 1, nasapwan na lamang sang iya iloy ang biktima nga patay na sa sulod sang ila nga balay. Dugang pa ni Bonilla, duha ka igo sang balasa ulo kag isa sa abaga ang naangkon sang biktima matapos gintiro gamit ang kalibre 45 nga pusil sang suspetsado nga gin alegar nakasuksuk sang bonnet. Wala sang record sa kapulisan si Gonzales rason nga may kabudlayan ang otoridad sa pag hibalo sa motibo sa pagpatay.

https://www.youtube.com/watch?v=bojkxeRLeeoSa Sagay City, pulis patay matapos gin-alegar matiruhan sang iya pito ka tuig nga bata. Live-in partner sang pulis kag duha ka mga kabataan sa sulod sang balay ginakabig sang PNP nga persons of interest.

Nakilala na ang lalaki nga nasapwan sa baybayon sang Brgy. Singcang-Airport sa Bacolod Domingo sang hapon.Suno sa kay Police Captain Eugene Tolentino ang Station Commander sang Bacolod City Police Station 8, ang biktima ginkilala sa kay John Paul Lomillo, 39-anyos kag residente sang Villa Victorias Brgy. 13 Victorias City.Suno sa pulis masami ini nga nagakadula sa ila nga balay suno sa iya pamilya. Antes pa matabo ang insidente nakita ang biktima nga nagapaligo sa baybay  kag ini ang nasapwan na lamang nga patay.Sa karon nagaguwa sa imbestigasyon sang kapulisan nga pagkalumos ang kabangdanan sa kamatayon sang biktima. Gindala na pauli sang iya pamilya ang iya nga bangkay.

Padayon ang imbestigasyon sang Police Station 7 sa pagkilala sang suspek sa pagtiro sa kay Jay-r Gamboa, 32 anyos Biyernes sang gab-I sa Blk 6, DC3, Brgy Alijis.Suno kay Police Capt. Andy Ofalia, hepe sang Police Station 7, ang suspect naka helmet kag nag bantay sa bakante kag gintiro sa ulo ang biktima gamit wala mahibaluan nga kalibre sang armas kag nakapalagyo sakay sa motorsiklo.Suno sa PNP si Gamboa ang ginakabig Street Level Individual nga drug personality sang Police Station 1 kag napreso sang 2021 sa kaso angut sa iligal nga droga apang nakaguwa sa prisohan.Si Gamboa ang may record man sa Police Station 1 kag Police station 7 sa kaso pagpangawat.Nagapati man si Ofalia nga posible lansihanay sa iligal nga droga ang isa sa mga motibo sa pagpatay sa biktima.

Sunod-sunod nga mga brownout ang nagluntad sa Bacolod City sang Domingo ang epekto sang tuman ka init nga panahon.  Ini suno sa kay Arnel Lapore, general manager sang Central Negros Electric Cooperative.Naglab-ot sa 43 degrees celsius ang heat index sa Negros Occidental sang Domingo.The forecasted heat index in Negros Occidental on Sunday was 43 degrees Celsius. Suno pa kay Lapore napulo ka mga brownouts ang nagluntad sa nagkalain-lain nga areas sang CENECO.Ang tuman nga init ang gina halinan sang pag melt sang mga insulators kag wires suno pa kay Lapore.Dugang pa niya, overloaded na ang mga transformers nila bangud sang tuman ka dako nga demand sa supply sang kuryente dala man sang mainit nga panahon.  May transformers naman gani nga nagakasunog.

https://youtu.be/ItuABs8rKbYBoard of Directors sang Negros Occidental Electric Cooperative ginapakakas sang National Electrification Administration, anay managers nadalahig man.Base sa audit nga ginhimo sang NEA Audit Department sa Negros Occidental Electric Cooperative  humalin sang August 1, 2019 tubtob April 30, 2023 nakit-an ang pila ka mga indi amo nga pag gasto sang pondo sang kooperatiba. Base sa statement nga gin-release sang NEA nasaad diri nga una bangud sobra ini sang sa gina tugutan sang NEA, ika duha wala ini sang NEA approval, kag ikatlo nga bisan maka pila na ka beses nga gin tawag ang atensyon sang NOCECO bangud sang audit findings kag wala sang nagakaigo nga board resolution.Ginhingadlan sang NEA ang 12 tanan ka mga board of directors sang NOCECO isa diri...

Humalin la una sang hapon kaina tubtob las otso sang gab-i napaidalom sa yellow alert ang Visayas grid. Buot silingon, kulang ang reserve nga supply sang kuryente sa Visayas.Yara lang sa 2,742MW ang available capacity pero ang peak demand yara naman sa 2,571MW.20 ka mga power plants ang wala sang may gina produce nga kuryente samtang , siyam naman ang naga operate nga may derated capacities ukon indi normal ang gina produce nga power supply.    604.4MW ang wala naga lab-ot sa grid.

Patay ang isa ka amay kag pilason naman ang iya nga anak sang may naglupok sa ila nga gina-uling.Patay ang amay nga si Remy Libo-on, 58 anyos samtang pilason naman ang iya anak nga si Arne, 34 anyos matapos may nagluntad nga pagsigabong samtang nagapang-uling sila sa Purok Lomboy, Barangay Oringao, siudad sang Kabankalan sang Lunes sang gab-i.Base sa imbestigasyon sang Kabankalan City Police Station, samtang nagakuha ang mga biktima sang ila gin-uling, hinali na lamang nga may naglupok nga wala pa mahibaluan nga bagay.Bangud diri, nakaaangkon si Remy sang pilas sa lawas kag nakaangkon naman si Arnel sang pilas sa nawala nga bahin sang iya ulo.Gilayon nga gindala ang mga biktima sa Lorenzo Zayco District Hospital kag ginsaylo ang mga ini sa ospital sa siudad sang Bacolod apa...