Romeo Subaldo

Patay ang 70 anyos nga si Nildo Amorganda Andalajao matapos madala sa na anod niya nga balay sa Barangay Cabugan sa Bindoy Negros Oriental kahapon sang hapon.Sa report sang Bindoy PNP, gin anod sang baha ang balay sang biktima sang mabuka ang pika-pika sa may suba.  Gab-i na na recover ang iya nga bangkay.May isa man ka bata nga ginreport nga na anod sang baha pero tigayon nga na rescue.41 tanan ka mga pamilya ang gin pang evacuate bangud sang pagbaha kag temporaryo nga nag tinir sa evacuation center.Gilayon man sila nga ginpang tagaan sang relief items kag food packs.

Gin aresto ang Indian National bangud sang pagsupak sang Philippine Immigration Law bilang isa ka undesirable alien ukon pugante sa India.Ginkilala ang Indian National nga na aresto nga si Joginder Geong alias Joginder Geyong kag Kant Gupta, 40 anyos kag leader sang organized crime syndicate kag napamatbatan na sang life imprisonment.Madugay na siya nga naga panago sa Pilipinas gamit ang peke nga ngalan kag Nepalese passport.Gin request sang Indian Embassy sa Manila ang pag aresto kag pag deport sa iya.Base sa memorandum halin sang Bureau of Immigration may kaangtanan man sa Khalistani Terrorist Group ang gin aresto nga persona.

Ginpadal-an na sang sulat sang PNP ang mga museum sa Silay City angut sa security protocol nga dapat ipatuman kun may mga bisita.Ini kasunod sang natabo nga pagkawat sang minilyon ka pesos nga balor sang painting sang national artist nga si Fernando Amorsolo sang nagligad nga semana.Suno sa hepe sang Silay PNP nga si Lt. Col. Mark Anthony Darroca, makabig nga parte sang isa ka sindikato sang mga kawatan ang duha ka mga suspek nga nag kawat sang painting sa Hofileña Museum.Magluwas sa Hofileña Museum may mga heritage houses pa gid nga ginpang convert sa museum sa ginakabig nga Paris of Negros.Ang lalaki nga suspek, tigayon nga nakilala sang drayber sang ginsakyan nila nga trisikad pinaagi sa litrato sang mga persona nga may mga kaso sang kinawatay. May kaso na nga da...

https://www.youtube.com/watch?v=Sv9PckJOCxEMay lead na karon ang PNP sa kun sin-o ang sa likod sang pag kawat sang Amorsolo Painting sa Hofileña museum sa Silay City.Gina suspetsuhan nga kabahin sang isa ka sindikato ang duha ka mga suspek.May 25,000 nga reward money nga gin tanyag si Mayor Joedith Gallego sa makatudlo sa mga suspek.

Patay ang 33-anyos nga katapo sang 15th Infantry Battalion sang Philippine Army matapos nga nakabunggo sa Ceres Bus ang iya motor sa Crossing Ambush, Barangay Manalad sa banwa sang Ilog Sabado sang aga. Sa imbestigasyon sang Ilog PNP, naglapaw sa iya nga lane si PFC John Leo Sagal Saldua kag nagrekta bunggo sa Ceres bus nga naga sugata. Bangud sa impact, nalampos si Saldua sa windshield sang bus. Dugang pa sang PNP, malubha nga samad sa ulo ang na angkon ni Saldua nga taga Purok Riverside Barangay Napoles Bago City.Nautod pa ang nawala niya nga tiil. Gindala pa siya sa Lorenzo D Zayco District Hospital sa Kabankalan City apang gindeklarar nga dead-on-arrival. Boluntaryo naman nga nagsungka sa kapulisan ang bus driver nga ginkilala naman kay Ryan Miraveles....

Patay ang 32-anyos nga pulis sang Hinigaran PNP matapos mabunggo ang iya nga motor sa signage sa gina kay-o nga dalan sa Sitio Linao, Brgy. Bato, Hinigaran, Domingo sang gab-i.Suno sa kay Police Major Clifford Batadhay, hepe sang Hinigaran PNP, gikan sa surveillance operation ang biktima nga si PSSg Steven Donasco, kaupod ang duha pa gid ka mga pulis.Posible suno sa PNP nga wala niya natalupangdan nga may ginakay-o nga dalan sa area kag posible man nga bangud nasilawan siya sa suga sang salakyan nga ila nasugata.Ang biktima nagbunggo sa steel signage sang dalan kag naglabog. Gilayon naman sya nga gindala sa Hinigaran Medical Clinic apang gin-deklarar ini nga dead on arrival.

https://www.youtube.com/watch?v=3tp32cBprQIIsa sa mga akusado sa PNP recruitment scam sa banwa sang La Sastellana nadakpan sa Capiz. Iya karon gina panawagan ang anay konsehal sang banwa nga suno sa iya kaupod niya sa pag pang scam nga mag sungka na sa otoridadYara na sa custody sang La Castellana PNP si Mary June Delos Santos ang ginatudlo upod ni Sangguniang Bayan Member Donato Dumaguit sa natabo nga PNP recruitment scam sa banwa sang La Castellana.Nagpangolekta sila sang may kapin sa P250,000 sa mga aplikante kabaylo sang pagpasalig nga makasulod sila sa PNP.Suno sa kay Police Major Rhon Daryl Nigos ang Chief of Police sang La Castellana PNP, naaresto si Delos Santos sa Tapaz, Capiz matapos mapa panaugan sang lima ka mga warrants of arrest sa kaso nga estafa. May pito p...

Arestado sanday George Jayme, Jr. kag Dharryl Escanuela matapos makuhaan sang masobra P5M nga balor sang suspected shabu sa drug bust operation nga ginpatigayon sang PNP sa Purok Mars, Barangay Singcang-Airport, siudad sang Bacolod pasado las diyes sang kagab-i.Suno kay Police Major Eugene Tolentino, hepe sang BCPO Police Station 8, si Jayme ang ginakabig bilang High Value Individual samtang si Escanuela ang Street Level Individual.Nakuha sa duha ang 775 grams sang ginasuspetsuhan shabu nga may standard drug price nga 5,134,000.00 pesos.Gin-detain ang duha sa custodial facility sang Police Station 8 kag pasakaan sang kaso nga paghupot kag pagbaligya sang iligal nga droga.

Wala nakaluwas ang nagabusong gikan sa malubha nga mga samad sa lawas gikan sa pagkabunggo sang van sa ila ginasakyan nga motorsiklo.Padulong kuntani sa barangay health center ang mag-asawa nga Judy kag Shogie Guatis kaina sang aga sang mabungguan sang isa ka van sa may national highway sang Barangay Dungoan sa Manjuyod, Negros Oriental. Sa inisyal nga report sang PNP, naga angkas si Shogi nga naga busong sang pito ka bulan sa motor nga ginadala sang iya nga mister sang mabungguan sila sang L300 nga van nga gina maneho naman ni Benedict John Apostolero.Sa kakusog sang impact naglabog ang misis sa sementado nga dalan kag nag angkon sang mga malubha nga pilas sa nagkalainlain nga parte sang iya nga lawas.Ginhingagaw siya dala sa ospital sa Bais pero gindeklarar nga dead on a...