Romeo Subaldo

Punong Barangay sa banwa sang Ilog ang naga panawagan sang aksyon agudto malikawan ang liwat  nga pagluntad sang fish kill sa Ilog-Hilabangam River.Apektado ang mga 60 ka mangingisda sa sitio Malabong sa Brgy 2 sa Ilog.Ini suno kay Punong Barangay Nicanor Lopez sang Brgy 2 nga nag siling man nga magluwas sa mga isda may nagkalamatay man nga mga pasayan, seashells kag kasag.Apektado ang palangabuhian nila tubtob sa karon.Mga 500 ka kilo sang isda ang nagkalamatay sa fish kill sadtong Hunyo 9 kag mga 150 naman ka kilo sadtong Hulyo 1.Makit-an pa ang mga isda nga naga punga-punga ukon may kabudlayan sa pag ginhawa.  Suno kay Lopez sa laboratory test nga ila ginhikot paagi sa Negros Prawn Cooperative Laboratory ang resulta nagapakita nga ang tubig may high chlor...

Nagdangat sa 10.8M pesos ang balor sang kahalitan sa mga maisan sa probinsya tuga sang fall army worms. Sa validated report sang Office of the Provincial Agriculturist humalin June 1 tubtob July 1,  10,832,037 pesos ang balor sang kahalitan sa 753.38 ka ektariya sang maisan. Sa amo nga report sang OPA, may pinaka daku nga kahalitan sa maisan ang  Himamaylan - 3.1 million pesos, naga sunod naman ang Moises Padilla - 2.4 milion pesos, La Castellana - 1.668 million, Isabela - 1.639 million, Murcia 1.4 million kag Hinoba-an 439,485 pesos. May 1,117 ka mga mangnguma ang apektado suno sa validated report sang OPA. Padayon sa gihapon ang tikang nga gina patuman sang OPA upod ang mga lgu nga naga lakip sang spraying agudto matapna ang paglapta sang fal...

Patay ang isa ka 37 anyos nga construction worker matapos gintiro sang wala makilala nga persona sa Purok Masagana, Brgy. Taculing siudad sang Bacolod kagab-i.Suno sa kay Police Captain Dax Santillan ang Station Commander sang Police Station 6,  naga-istorya ang biktima nga si Niño Baldebia, sa iya nga abyan sa gwa sang iya balay sang hinali na lang siya nga gintiro sang suspek.Dugang pa sang pulis, ginhingagaw pa dala sa ospital ang biktima pero ini ang napatay.Ginahibalo pa sang PNP ang motibo sa pagpatay sa biktima kag kun sino ang nagpatay sa iya.

Pamuno sang Bacolod City Police ginapausisa ang na-issue nga driver’s license sa na-aresto nga lider sang sindikato kag katapo sang terrorist group. Kabahin sa mga na recover sa nadakpan nga Indian National nga si Joginder Geong alyas KANT GUPTA ang driver’s license nga nagapakita nga isa siya ka Filipino citizen nga naga istar sa Barangay Taculing.Butang nga ginadudahan ni BCPO Director Col. Noel Aliño rason nga nagpadala siya sang sulat sa talatapan sang LTO- Bacolod agud ma usisa kun ngaa may nauyatan nga driver’s license ang 40 anyos.Tuyo ni Aliño nga mapat-ud kun peke ang driver’s license kag kun paano kag diin niya ini nakuha.Si Geong ang wanted sang Indian Embassy bangud sang kaso nga murder, attempted murder kag robbery.Siya ang ginatudlo leader sang organized ...

7,750 tanan ka ream sang gin-alegar smuggled nga sigarilyo nga naga balor sang P3,875,000 ang na-intercept sang Philippine Coast Guard sa Barangay Andulauan, banwa sang Ilog sang Martes.Suno kay Police Major Joseph Partidas, ang hepe sang Ilog PNP, ginkarga sa sakayan nga ginadala nanday Junior Mahalai, Plong Ibnain, Soji Toni nga lunsay mga pinoy  kag Adzwan Mohammed,  isa ka Malaysian national kag tanan sila residente sang Isabela City, Basilan.Ang nakuha sa ila nga 155 ka mga karton sang sigarilyo ang untaxed ukon wala mabayaran ang buwis.Kaso nga paglapas sa Tax Reform Act ang ginpasaka sang Bureau of Internal Revenue batok sa apat ka suspetasado.

Patay ang 21-anyos nga si Cedric “Odong” Jarnga nga gina-alegar isa ka drug personality matapos ini gintiro sang wala pa makilal-an nga persona sa Purok 6, Brgy. Bantayan, Kabankalan City kaina sang aga.Sa inisyal nga imbestigasyon sang Kabankalan PNP, nakabati sang linupok ang mga pumuluyo sa lugar pasado las dos sang kaagahon kag nakit-an na lamang ang duguon nga biktima  kag may mga igo sang bala sa ulo kag paa.Nagapadayon pa ang imbestigasyon sang kapulisan kag ginalantaw nga personal  ang motibo sa pagpatay sa biktima.

Patay sanday Andrew Cordero, 20-anyos kag Yantor Yanson, 19-anyos matapos malumos sa suba sa Brgy. Buenavista siudad sang Himamaylan kaina sang aga.Ang mga biktima ang taga Talisay kag Bacolod City.Suno sa kay Police Lieutenant Colonel Anthony Grande ang Chief of Police sang Himamaylan City PNP, nagpadulong sa suba si Cordero apang wala ini nakahibalo nga madalom ang suba kabangdanan ini ang nalumos kag gilayon ini nangayo sang bulig sa iya nga mga kaupdanan kun sa diin si Yanson ang nagbulig sa iya.Dugang pa ni Grande,  nalumos ang duha kag halos tatlo ka oras antes nakita ang ila nga mga lawas bangud nga ginsirad-an ang dam sa suba.Gilayon sila nga gindala sa ospital apang gindeklarar nga dead on arrival. Nagaguwa man sa imbestigasyon sang PNP nga isa ka qu...

Na-intercept sang Philippine Coast Guard ang 155 ka mga karton sang gin-alegar smuggled nga mga sigarilyo sa isa ka sakayan sa baybayon sang Brgy. 2 sa Ilog sang Martes.May apat ka mga lalaki nga mga taga Basilan nga yara sa sakayan. Suno sa ila gikan pa sila sa Zamboanga kag nag biyahe padulong sa banwa sang Ilog.Sa inisyal nga impormasyon, inug deliver sang apat ang mga sigarilyo sa isla sang Negros pero wala ini sang mga dokumento.Gina usisa pa karon sang otoridad ang ginhalinan kag kun diin ini dal-on. 

Arestado ang anay katapo sang Philippine Marines nga si Herald Jhones Hilado, 28-anyos matapos gin-alegar  nga namahog sa isa ka delivery rider sa Villa Servando, Brgy. Singcang-Airport syudad sang Bacolod sang kagab-i.Si Hilado ang gin-dismiss  na gikan sa Philippine Marines kag residente sang Brgy. 3 syudad sang La Carlota.Isa ka 28-anyos nga delivery rider ang gina alegar iya nga ginpahog samtang may bitbit nga pusil.Suno sa kay Police Major Eugene Tolentino ang Station Commander sang Police Station 8, nagpadulong sa ila ang tagreklamo kag ginpalab-ot ang natabo sa lugar nga gina-alegar ginapakita ni Hilado ang iya nga 45 caliber pistol kag gintungtong pa sa ibabaw sang lamesa.Dugang pa ni Tolentino, gilayon man nga naaresto si Hilado kag ini ang magapangatubang sang kaso ng...

Sa pinaka una nga tiun nadala na sa weather forecast sang PAGASA ang Negros Island Region. Base sa forecast apektado sang Intertropical Convergence Zone ukon ITCZ ang Southern Luzon, Visayas kag Mindanao nga naga lakip sang Negros Island Region kag Siquijor. Suno sa PAGASA, wala sang weather disturbance sa sulod kag sa gwa sang Philippine Area of Responsibility pero posible ang mabunok nga pag-ulan. Ginpaandaman ang mga naga puyo sa kabukiran nga mag ulu-aligmat batuk sa landslide kag ang mga malapit sa baybayon kag kasubaan nga mag-ulualigmat naman sa baha.