Romeo Subaldo

Nagpagwa sang abiso si Mayor Albee Benitez sa tanan nga mga Bacolodnon ilabi na sa magagmay nga mga negosyante sa merkado nga mag halong batuk sa mga naga palapta sang peke nga kwarta.Sa post ni Benitez sa iya Facebook page, iya ginsiling nga may duha ka mga vendors sa Libertad Public Market nga nabiktima sang peke nga mga 500 peso nga bills.Ginpadangat sang alkalde sa  BCPO ang amo nga isidente para magpatigayon sang imbestigasyon kag makilala kun sino ang sa likod sang sini nga modus.Biyernes isa ka kahita ang gin turn-over sa Bacolod PIO kag natukiban nga ang unod sang amo nga kahita mga peke nga kinyentuson nga kwarta.

Pilason ang apat tanan ka mga persona matapos nga nagkarambola ang apat ka mga salakyan malapit sa Valley ofPeace sa  Circumferential Road sa Barangay Mandalagan sa Bacolod City sang Domingo sang hapon.Base sa report sang  PNP, naglupok ang panguna nga goma sang pickup nga naga dalagan  halin sa norte pa sur.Nadulaan sang kontrol ang driver sang pickup matapos nga naglupok ang goma, gani iya nabungguan ang mga sugata nga carry, van kag auto.Gindala ang mga nasamaran sa ospital kag subong estable na ang ila nga kondisyon.Padayon pa ang imbestigasyon sang mga kapulisan sa sini nga insidente.

Nakumpiska sang kapulisan ang kapin P2.9 million nga balor sang suspected shabu sa buy-bust operation sang Biyernes sang hapon sa Brgy. Cangmating, Sibulan, Negros Oriental.Sa report sang PNP, ginkilala ang suspek kay alyas "Ren-ren," 35-anyos, ginakabig nga high value individual.Nakuha sa iya ang 18 ka plastic sachet sang ginapatihan shabu nga nagabug-at  sang 422.6 grams.Detained karon ang suspek sa Sibulan Police Station kag kaso nga pagsupak sa Republic Act 9165 ukon ang Comprehensive Dangerous Drugs Act of 2002 ang ginpasaka batuk sa iya.

As of 10am kaina, ang bagyo nga Carina ang yara na sa 355km east sang Tuguegarao City, Cagayan.Ang eastern portion sang Cagayan, eastern portion sang Babuyan Islands kag northeastern portion sang Isabela ang ginpaidalom sa Tropical Cyclone Wind Signal Number 1.Suno sa PAGASA,  indi mag landfall sa Pilipinas ang Bagyo Carina pero magadala ini sang ulan ilabi na nga gina pabaskog pa gid sini ang Habagat.Ginapaabot nga  maga gwa sa Philippine Area of Responsibility si Carina sa Miyerkules sang gab-i ukon Huwebes sang kaagahon.Ang bagyo naman nga Butchoy ang naka gwa na sa PAR.

Liwat na nga malabyan sang mga motorista ang porsyon sang dalan sa may Sitio Banga, Barangay Camingawan sa Kabankalan City. Ang ini nga dalan ang naga angut sa Barangay Carol-an nga sakop sa gihapon sang Kabankalan.Bangud sang mabunok nga ulan, natiphag ang duta kag naguba ang dalan. Suno sa kay Kabankalan City Mayor Benjie Miranda, napangitaan sang medyos sang Engineering Department kag General Services Office ang dalan agud malabyan liwat sang mga motorista.Suno sa alkalde nga posible naglitik na nga daan ang duta sang tig-ilinit kag natiphag sang nagsige na bunok ang ulan.Ang Carol-an ang source sang high vaklue crop sa Kabankalan. Gani kun indi malabyan ang dalan, apektado man ang delivery sang mga utan gikan sa Carol-an pakadto sa city proper. Subong tayuyon na nga makalab...

Maximum tolerance ipatuman sang kapulisan sa mga grupo nga ginapaabot magapatigayon sang aksyon protesta sa adlaw sang SONA ni Presidente Ferdinand Marcos Jr.May nakahanda na nga security plan ang tagsa ka mga police offices kag station sa Western Visayas para sa natalana nga State of the Nation Address ni Presidente Ferdinand Macos Jr. sa Lunes. Ginsiling ni PRO 6 Regional Director Brigadier General Jack Wanky, ginapaabot nila ang mga natalana nga rally kag iban pa nga sahi sang aksyon protesta sa SONA sang presidente.Gani nagmando siya sa mga kapulisan nga magluwas sa pagpatuman sang hugot seguridad kinahanglan mapasiguro ang maximum tolerance sa maga-rally ilabi na ang mga ginakabig leftist organization. Ang PRO 6 ang naka-full alert sa adlaw sang SONA.

Subong gid lamang nga adlaw nagpagwa sang special order ang Philippine National Police National Office nga naga kakas sa pwesto bilang director sang Bacolod City Police kay Police Col. Noel Aliño kag naga saylo sa iya sa Criminal and Investigation and Detection Group. Ang amo nga mando ang mangin epektibo na sa bwas nga adlaw. Kadungan sa pagkakas sa kay Aliño, ginkakas man ang pamuno sang CIDG nga si Police Col. Joel Manuel Ana nga ginsaylo naman sa PNP Regional Office 6.Si Bacolod City Mayor Albee Benitez nagpagwa naman sang statement nga naga kumpirma sa pag relieve kay Alino.Suno sa alkalde ang pagkakas sa BCP director sa pwesto ang kabahin sang promotion process sang PNP. Magahulat naman ang alkalde sang mga ngalan sang maga pamuno sang BCPO. Nagapasalamat naman ang alkalde sa...

As of 3 am kaina, ang una nga low pressure area nga gina monitor sangPAGASA ang yara na sa 135 kilometers west southwest sang Calapan City,Oriental Mindoro.Ang panibag-o na naman nga LPA ang yara naman sa 880km east sang eastern Visayas.Suno sa PAGASA halos ang bilog nga Pilipinas ang naga eksperyensya sangmaulanon nga panahon.Ginapaabot nga basi maga gwa na sa PAR ang una nga LPA sa bwas samtang ang bag-o nga LPA ang wala pa sang direkta ngaepekto sa Pilipinas tubtob mag weekend.Padayon nga maga eksperyensya sang magal-umon nga kalangitan nga maydala nga lapta lapta nga pag ulan kag pagpanaguob ang bilog nga Visayasnga naga lakip sang isla sang Negros bangud sang LPA.

Dalan naguba bangud sang landslide sa Kabankalan City.Indi malabyan sa karon sang mga salakyan ang dalan sa Sitio Bunga, Barangay Camingawan sa Kabankalan City. Ang amo nga dalan ang naga angut sa Barangay Carol-an nga sakop sa gihapon sang Kabankalan.Bangud sang mabunok nga ulan, natiphag ang duta kag naguba ang dalan. Suno sa kay Kabankalan City Mayor Benjie Miranda, ginpakadtuan niya na sa Engineering Department kag General Services Office ang area agud mausisa kag malantaw kun ano ang pwede mahimo para malabayan liwat ang dalan.Suno pa sa alkalde nga posible naglitik na nga daan ang duta sang tig-ilinit kag natiphag sang nagsige na bunok ang ulan.Ang Carol-an ang source sang high value crop sa Kabankalan. Gani kun indi malabyan ang dalan, apektado man ang ...

https://www.youtube.com/watch?v=LEIcSdk5rJsDPWH nag promisa kay Bacolod Mayor Albee Benitez nga ang bag-o nga merkado sa Barangay Sum-ag sa Bacolod ang pwede na masudlan sang market vendors sumugod sa madason nga semana.