Romeo Subaldo

PIA Negros Occidental photoMasobra sa siyete mil ka mga Sinovac vaccines nag abot sa Bacolod-Silay Airport kaina sang aga.Siyete mil dos siyentos tanan ka vials sang Sinovac vaccines ang nag abot sa airport. Ang dos mil diri para sa siudad sang Bacolod samtang ang 5200 vials naman para sa Negros Occidental.Nag abot ini las otso kaina sang aga kag gilayon nga gin rekta sa cold storage. Ini ang ika duha na nga batch sang sinovac vaccines nga nag abot sa probinsya.Ang una nga batch ginhatag sa mga health care workers kag ang second batch naman sa mga health care workers sa gihapon igahatag bangud wala pa matapos bakunahan ang tanan nga mga naga trabaho sa mga ospital.

Sipalay City New Government Center ang yara sa skeletal force sa karon matapos may mga postibo sa COVID-19.Ginkumpirma sang operations in charge sang Sipalay City nga si Dionilo Bogtae nga apat na ka mga empleyado sang siudad ang nag positibo sa covid 19. Isa ka empleyado nga nag tambong sa lubong sa Bacolod, nag overnight kag nag balik sa Sipalay.Boluntaryo nga nagpa swab ang isa ka empleyado kag sa iya mga close contacts, 3 ang nag positibo. Yara na sila sa karon sa COVID-19 facility sang siudad.Imbis nga mag lockdown ang NGC sang Sipalay City, skeletal work force lang anay ang tanan.

Coast Guard photoMasobra sa kinse ka kilo sang mga patay kag ginbulad nga seahorse ang na recover sang Philippine Coast Guard nga gin karga sa fast craft sa Banago port sa bacolod.Nasulod sa trash bag ang mga binulad nga seahorse. Tuyo ini kun tani ipadala sa iloilo sang wala pa makilal-an nga persona sang ma intercept sang Philippine Coast Guard sa M/V Fastcat M3. Gina bulubanta sang coast guard nga naga balor sang P460,000 ang mga patay nga seahorse. Ginturn over na ini sa Bureau of Fisheries and Aquatic Resources.Sa idalom sang Philippine Fisheries Code of 1998, ang pag transport, pagkuha kag pagbaligya sang rare, threatened kag endangered nga fishery products ang ginadumilian.Mahimo mamultahan sang P300,000 tubtob P5 million ukon pagka bilanggo sang 3 tubtob 5 ka tuig a...