Romeo Subaldo

Naga padayon ang registration para sa national ID system sa mga malls, sa mga barangay kag sa PSA office mismo.Tayuyon ang registration sa Ayala Malls Capitol Central para sa national ID.Naga sugod ini las nuebe y medya sang aga tubtob las sais y medya sang gab-i.Magluwas sa Ayala naga padayon man ini sa SM City Bacolod kag City Mall sa Mandalagan kag Goldenfields Commercial Complex pati na sa mismo nga talatapan sang Philippine Statistics Authority.Isa ka valid ID lang ang requirement, pwede man ang birth certificate para sa mga single kag marriage certificate sa mga kasado na. 15 years old and above lang ang pwede maka pa rehistro.Magapadayon ini sa mga malls tubtob bulan sang Disyembre.

Ang nangin kontrobersyal nga dalan BS Aquino Drive nga ginguba para makaayo ang ginsemento na.Sang nagligad nga semana nangin kontrobersya ang ini nga dalan bangud sang reklamo ang mga motorista kag netizens nga matapos gub-on ginpabay-an lang sang contractor.Masako ang ini nga dalan gani sang naguba ang porsyon sang dalan nag dugang ini sa pag ginutok sang trapiko ilabi na kun ruish hours.Sa interview sang DIGICAST NEGROS ginsiling sang dpwh nga nawad-an langh sang supply sang semento ang contractor amo kun ngaa na delay ang pag semento sini.Subong na semento na ang amo nga parte sang dalan pero indi pa maagyan kay gina hulat pa ang curing period.

Liwat na nga ginbalik ang mass vaccination subong nga adlaw, dungan ini nga ginpatigayon sa duha ka mga mallSa SMX Convetion Center na ginbutang ang vaccination sa SM City Bacolod. Mas malapad kag mas ligwa.May lamesa para sa registration, gina check anay ang pasyente antes bakunahan.Suno kay Bacolod Emergency Operations Center executive director nga si Em Ang, mga naka rehistro na nga mga indibidwal ang gina bakunahan sa sm kag sa ayala mall naman, mga grupo kasubong sang mga senior citizens kag may comorbidities nga mga abugado.Magapadayon ang pagbakuna samtang may yara sang nabilin nga mga bakuna. Sini nga semana may maabot nga 3000 ka dose sang Sinovac vaccines para sa 1500 ka indibidwal. Ang second dose naman sang mga nabakunahan sang astra zenica maga abot ang ila sec...

Gina pasa pasahan sa social media ang isa ma mensahe nga naga siling nga gina pa alerto ang mga tropa kay ang mga persona nga yara sa litrato naga libot kag naga pangita sang matarget. Ang ulihi nga parte sang mensahe naga siling nga kun makit-an, I hold lang anay sa check point ang amo nga mga persona.Naupod sa mensahe ang litrato sang anum tanan ka mga kalalakin-an. Ang iban sa ila athag nga lamharon pa lang ang edad.Suno sa spokesperson sang 3rd Infantry Division sang Philippine Army nga si Major Cenon Pancito, indi halin sa ila ang ini nga impormasyon.“Unang una nga we have not established kung ito ba talaga ay legitimate organization or just an organization trying to pose as New People's Army.”Gindugang pa sa mensahe nga may tatlo ka mga pulitiko nga target tumbahon an...