Gina pasa pasahan sa social media ang isa ma mensahe nga naga siling nga gina pa alerto ang mga tropa kay ang mga persona nga yara sa litrato naga libot kag naga pangita sang matarget. Ang ulihi nga parte sang mensahe naga siling nga kun makit-an, I hold lang anay sa check point ang amo nga mga persona.
Naupod sa mensahe ang litrato sang anum tanan ka mga kalalakin-an. Ang iban sa ila athag nga lamharon pa lang ang edad.
Suno sa spokesperson sang 3rd Infantry Division sang Philippine Army nga si Major Cenon Pancito, indi halin sa ila ang ini nga impormasyon.
“Unang una nga we have not established kung ito ba talaga ay legitimate organization or just an organization trying to pose as New People’s Army.”
Gindugang pa sa mensahe nga may tatlo ka mga pulitiko nga target tumbahon ang amo nga mga persona nga gina siling mga sparu sang npa pero wala man sang ngalan nga gin hambal.
Suno kay Pancito wala man sila sang may nabaton nga amo nga impormasyon. Pero ila gina haylo sa publiko kag bisan ang mga pulitiko nga kun may mabaton gani nga impormasyon tuhoy diri, mahimo makig angut gilayon sa PNP ukon sa Philippine Army.